Ноќ. Време на ѕвездите.
Ноќ. Време на надежта.
Ноќ. Време на молитвите.
Ноќ темна, а светла.
Ноќ сама, а неосамена.
Ноќ – мерило за способноста да ја почувствуваш близината и на најдалечниот.
Близината која ти ја топли душата.
Топлината која те тера да сонуваш.
Да сонуваш за она кое поминало и никогаш повторно нема да се повтори.
Сонуваш и за деновите тешки недојдени.
И се прашуваш колку очи гледаат во истото небо во моментот.
Во истото, а сепак толку различно небо.
Некаде темни облаци и ветрови ги разлетале сомнежите.
Некаде месечината ги осветлила мечтите.
Некаде дождот горко потопил нечија среќа или тага.
И сето тоа во една единствена ноќ.
Ноќ сама, а неосамена.
Ноќ темна, а светла.
Ноќ. Време на ѕвездите.
Ноќ. Време на надежта.
Ноќ. Време на молитвите.
Прочитајте повеќе од истата авторка овде.