Магазин

Што е ретрограден Меркур и како да го искористиме овој период?

април 12, 2024
Magazine Inspiratiff

Ретроградноста на Меркур се однесува на перцепцијата дека Меркур се движи во обратна насока од неговото обично движење на небото. Во астрономијата, ретрограден Меркур не се движи навистина во обратна насока, туку изгледа дека се движи назад поради односот помеѓу брзината на Меркур и Земјата. Кога Меркур (или било која друг планета) изгледа дека се движи назад, тоа се нарекува ретроградно движење. Тоа најчесто се случува кога земјата, што е помала планета во сончевиот систем, ја надминува патеката на друга планета. Ретроградното движење на Меркур е разгледувано во астролошките интерпретации, каде се смета дека времето кога Меркур е во ретроградно движење може да има влијание врз комуникацијата, патувањата и технологијата.

Оваа година Меркур ќе биде во ретрограден период од 1ви до 24ти април, од 4ти до 27ми август, и од 25ти ноември до 15ти декември.

Периодите на ретрограден Меркур се сметаат за време кога може да се случат предизвици во комуникацијата, технологијата и патувањата.
Иако астролозите имаат различни интерпретации, многумина сметаат дека ретроградниот период на Меркур е одлично време за рефлексија и преглед на
различни аспекти од нашиот живот.

Еве неколку начини како можеме да го искористиме периодот на ретрограден Меркур за рефлексија:

Преглед на начинот на комуникација:

Размислете за начините на кои комуницирате со другите и дали има простор за подобрување. Можеби се наоѓате во ситуации каде мислењата не ви се разбрани правилно или кадешто постојат недоразбирања. Размислете за начините на кои можете да ја подобрите комуникацијата со луѓето околу вас.

 

 Преглед на правците по кои сте одлучиле да тргнете низ животот:

Размислете за насоките по кои се движите, и физички но и емоционални.  Под емоционални ги сместуваме патиштата на еволуирањето и промената на нашата личност. Кои патишта  ве доведоа до места каде што се чувствувате задоволни и исполнети? На кои патипта се  соочивте со предизвици или неочекувани пречки? Како може да ги искористите овие искуства за подобрување на вашето животно патување?

 

Преглед на технологијата, што користите и како ja користите:

Размислете за начините на кои технологијата влијае на вашиот дневен живот. Дали користите технологија на начин кој ви помага да бидете поефикасни и организирани, или пак ви  предизвикува стрес и дистракција? Можеби е време двапати да ги премерите вашите навики во врска со користењето на технологијата и да размислите за начини на кои можете да го подобрите вашето однесување на тоа поле.

 

Преглед на плановите и целите:

Во овој период на рефлексија, размислете за вашите тековни планови и цели. Дали насоката која ја следите уште одговара на вашите потреби и желби? Дали има нешто што би сакале да го промените или да го дополните во вашите планови? Ова е одлично време да ги прегледате вашите желби и амбиции и да одлучите што е важно за вас во иднина.

Важно е да се потсетите дека ретроградниот период на Меркур не е време за паника или страв, туку за интроспекција и рефлексија. Искористете го ова време за да се поврзете со себе и за да размислите за начините на кои можете да го подобрите вашето животно искуство.

Всушност, без разлика дали Меркур е ретрограден или не,  потребно е од време на време да направиме ретроспекција на нашиот живот, каде сме, кои сме станале, и на каде одиме, многумина имаат и точно утврдени периоди во годината кога тоа го прават, но со брзото секојдневие и натрупаниот распоред често знаеме да се занесеме и да заборавиме на правецот во кој сакаме да се движиме.  Понекогаш ќе откриеме дека сме и на уште подобар пат, но понекогаш и не. Затоа можеби е добро кога се јавуваат такви ,,популарни” периоди  како ретрограден Меркур, за кои многу се зборува,  да нѐ заинтригираат за своето значење па и да нѐ  потсетат што треба да направиме.

Напишете коментар

Вашата адреса за е-пошта нема да биде објавена. Задолжителните полиња се означени со *